Pothuajse një në pesë gamers identifikohen si anëtarë të komunitetit LGBT+. Kjo gjë është bërë e ditur nga raporti i parë i GLAAD Gaming, një përfaqësues global në avokimin për përfaqësimin e LGBT+, së bashku me kompaninë Nielson. Një raport i mëparshëm nga Nielson tre vjet më parë thoshte se 10% e gamers identifikoheshin si pjesë e LGBT+. Tani kjo shifër ka arritur deri në 17% – një rritje prej 70% brenda 3 vitesh.
Ky raport pretendon se lojërat me personazhe dhe histori LGBT+ përbëjnë më pak se 2% të lojërave në bibliotekat dixhitale Xbox, PlayStation dhe Nintendo. Megjithatë, ky studim është bërë duke filtruar përmes përdorimit të tag-ut LGBT+ në çdo dyqan, që do të thotë se disa lojëra që nuk janë etiketuar në përputhje me rrethanat mund të mos përfshihen. Në Steam, për shembull, Baldur’s Gate 3 nuk është etiketuar specifikisht si LGBT+, por shfaq marrëdhënie LGBT+.
Sipas këtij studimi, ngacmimi mbetet një çështje e rëndësishme për lojtarët LGBT+. 52% e lojtarëve LGBT+ kanë përjetuar ofendime gjatë lojës në internet, krahasuar me 38% të lojtarëve jo-LGBT+. 42% kanë shmangur luajtjen e një lojë nga frika e ofendimit, ndërsa 27% e kanë lënë atë për shkak të këtyre ofendimeve.
