Kompanitë e mëdha përpiqen të operojnë në mënyrë sa më të fshehur, veçanërisht ato në industrinë e teknologjisë. Por rrjedhjet janë të pashmangshme, kjo është arsyeja pse ne shpesh dimë shumë për produktet dhe shërbimet e reja përpara se ato të debutojnë zyrtarisht.
Megjithatë këtë herë nuk bëhet fjalë për një produkt të ri nga Google, por për qëllimet që kompania ka për vitin 2024, dhe lista e qëllimeve u publikua në The Verge. Në një memo dërguar të gjithë punonjësve, CEO i Google, Sundar Pichai, detajoi listën e qëllimeve për vitin 2024. Lista nuk është befasuese, por konfirmon shumë nga ato që prisnim tashmë nga Google në 2024, si fokusi në inteligjencën artificiale.
Këtu është lista e plotë:
- Të ofrojmë Al më të avancuar, më të sigurt dhe të përgjegjshëm në botë.
- Të përmirësojmë njohuritë, të mësuarit, kreativitetin dhe produktivitetin.
- Të ndërtojmë platformat dhe pajisjet kompjuterike personale më të dobishme.
- Të mundësojmë që organizatat dhe zhvilluesit të sjellin risi në Google Cloud.
- Të ofrojmë produktet dhe platformat më të besuara në botë.
- Të ndërtojmë një Google që është i jashtëzakonshëm për punonjësit e Google dhe botën.
- Të përmirësojmë shpejtësinë, efikasitetin dhe produktivitetin e kompanisë dhe kursejmë kosto.
Koha e publikimit të këtij raporti është tepër interesante, ndërkohë që Google po vazhdon të shkurtojë stafin. Pothuajse një vit pas ditës kur kompania pushoi nga puna 12,000 punëtorë në 2023, Google shkurtoi vende të tjera pune gjatë dy javëve të fundit. Numri i saktë nuk dihet, por mendohet të jetë në disa mijëra.
Më e rëndësishmja, Pichai i tha punonjësve të kompanisë se priten akoma më tepër shkurtime gjatë gjithë vitit. Kjo është në kundërshtim me qëllimet e CEO të Google për vitin 2024, të paktën në një farë mënyre. Ai thotë se një qëllim është “të ndërtohet një Google që është i jashtëzakonshëm për punonjësit e Google“, por shkurtimet e vazhdueshme të vendeve të punës kanë bërë që punonjësit aktualë dhe të mëparshëm të shpërthejnë kundër kompanisë. Megjithatë, qëllimi i fundit padyshim përshtatet në me këto lëvizje.
Përtej këtyre pikave, inteligjenca artificiale është çuditërisht një fokus për Google që shkon në vitin 2024. Google është gjithashtu i fokusuar qartë në zhvillimin e Gemini dhe Bard.
