Twitch, një nga platformat më të mëdha të transmetimit të lojërave video në botë, po tërheq një ndryshim të politikës që lejonte “nudizmin artistik“ në platformë.
“Morgpie“, një transmetuese e Twitch dhe personalitet në internet, ishte në qendër të një polemike pasi u shfaq drejtpërdrejt në transmetim, me disa shikues që besonin se ajo ishte topless. Zhurma për dënimin e saj të mëvonshëm në platformë e shtyu Twitch të lëshojë udhëzime të reja që lejojnë “shfaqje të nudizmit artistik“. Megjithatë, Twitch njoftoi të premten se po ndryshonte sërish politikën e saj të nudzimit në platfomë.
“Duke vazhduar përpara, përmbajtjet e nudizmit real ose imagjinar nuk do të lejohen në Twitch, pavarësisht nga mediumi,” shkroi kompania në përditësimin e saj më të fundit të politikave. Deklarata, e shkruar nga CEO i Twitch, Dan Clancy, vazhdoi: “Së pari, ne duam të bëjmë të qartë se disa transmetues, në përgjigje të këtij përditësimi, krijuan përmbajtje që ishte në kundërshtim me politikën tonë të re. Ne kemi punuar shpejt për ta hequr atë përmbajtje.”
Twitch kërkoi falje për konfuzionin që mund të ketë shkaktuar përditësimi dhe iu referua “sfidës unike” që inteligjenca artificiale (AI) paraqet ndaj nudizmit dhe politikës seksuale në Twitch, një faqe që merr mesatarisht mbi 35 milionë vizitorë çdo ditë. “Ndërsa do të dëshiroja ta kishim parashikuar këtë rezultat, pjesë e punës sonë është të bëjmë rregullime që i shërbejnë komunitetit”, shkroi Clancy. “Kërkoj falje për konfuzionin që ka shkaktuar ky përditësim.”
