Tashmë të gjithë njerëzit me kompjuterë dhe pak kohë të lirë mund të krijojnë animacione me cilësi të lartë (të njerëzve realë dhe ilustrimeve) me vetëm disa klikime dhe zero njohuri për editimin dixhital.
Kjo është, ideja pas “Animate Anyone“, një model i AI i prezantuar nga ekipi kërkimor i AI i Alibaba, një kompani teknologjike shumëkombëshe e specializuar në tregtinë e pajisjeve elektronike dhe teknologjike. Videot e publikuara nga kompania që tregojnë se si funksionon kjo teknologji – duke pretenduar se është në gjendje të animojë çdo foto me qëndrueshmëri dhe kontroll të jashtëzakonshëm – ka kapur imagjinatën e miliona njerëzve.
Alibaba thotë se Animate Everyone mund t’i transformojë fotot në video “sipas sekuencave të dëshiruara të pozave dhe duke arritur një vazhdimësi kohore“. Kjo gjë u bë e ditur në X nga startup-i i avatars të AI MyCompanions. “Më pak defekte dhe pa gishta shtesë – shumë bukur!“
Ekipi shton se kjo teknologji hap dyert për raste të reja përdorimi midis ndikuesve: veshje të krijuara nga AI dhe krijimi i një tregu për video të prodhuara në masë, por të personalizuara.
Faqja e modelit në GitHub ishte e mbushur me kërkesa për akses në source code. Megjithatë, ekipi ka siguruar publikun se do të bëjë të disponueshme demonstrimin dhe kodin në një datë ende të pacaktuar. “Faleminderit të gjithëve për mbështetjen dhe interesin tuaj të jashtëzakonshëm në projektin tonë,” tha ekipi në përditësimin më të fundit në Github të projektit. “Ne duam t’ju sigurojmë se jemi duke punuar në mënyrë aktive në përgatitjen e demonstrimit dhe kodit për publikim.”
