Marvel’s Spider-Man 2 është shndërruar tashmë në lojën më të shitur të PlayStation Studios në 24 orët e para pas publikimit të tij, tregoi Sony të hënën.
Kompania shiti mbi 2.5 milionë kopje në vetëm një ditë. Marvel’s Spider-Man 2 u zhvillua nga PlayStation Studios’ Insomniac Games. Më parë, loja që mbante titullin si më e shitura brenda periudhës një ditore nga lançimi ishte God of War Ragnarok, që gjatë javës së lançimit vitin e kaluar shiti 5.1 milionë kopje.
Me sa duket thyerja e rekordeve është e padiskutueshme për lojrat Spider-Man, pasi dhe versioni i parë i kësaj loje, që u publikua në 2018, shiti 3.3 milionë kopje në tre ditët e para.
Përveç historisë së re të trajtuar në këtë lojë, Marvel’s Spider-Man 2 shton disa veprime të reja, duke përfshirë krahët prej rrjete që ju lejojnë të fluturoni në qytetin e Nju Jorkut. Ekziston gjithashtu një mënyrë për të kaluar midis Peter Parker dhe Miles Morales, dhe të kryeni misione të ndryshme për të dy personazhet.
Spider-Man 2 është një lançim tepër i rëndësishëm për PlayStation. Sony shpreson se shitjet e lojës do të nxisin një rritje në shitjet e vetë PS5, pasi loja është ekskluzive për këtë konsolë. Në gusht, Sony këmbënguli se shitjet e konsolës së saj mund të rriteshin në mënyrë që të arrinte objektivin e saj rekord prej 25 milionë PS5 të shitura për këtë vit financiar.
