Shkenca dhe teknologjia e kanë magjepsur gjithmonë Bill Gates. Por a e dinit se themeluesi i Microsoft kishte një tabelë periodike gjigante të montuar në murin e zyrës së tij?
Po, është e vërtetë! Gates ka një hapësirë të dedikuar në mur për tabelën periodike me një mostër të secilit element kimik në pozicionin e duhur. Disa foto të ndryshme të tabelës periodike janë shfaqur në internet gjatë viteve, të cilat tregojnë një vitrinë të dedikuar për çdo element të përfaqësuar realisht.
Një postim i fundit në X nga Amazing Astronomers tregoi pikërisht tabelën periodike të Gates që thuhet se është instaluar në zyrën e tij private jashtë Seattle. Kjo i mahniti të apasionuarit pas kimisë dhe të tjerët në internet, teksa filluan të reagojnë dhe të ngrenë pyetje për fenomenin interesant të ‘zyrës’. “Ok, është shumë e lezetshme.” reagon një përdorues. Ndërkohë, përdorues të tjerë u interesuan për ruajtjen e elementeve radioaktive si francium, uranium etj.
Njëri prej tyre gjithashtu paralajmëroi, “nuk duhet ta bëni këtë sepse disa nga elementët janë të paqëndrueshëm dhe mund të përzihen me të tjerët dhe disa prej tyre janë shumë radioaktivë.”
Në vitin 2019, Will Smith gjithashtu vizitoi zyrën e Gates pasi pa dokumentarin e tij në Netflix “Inside Bill’s Brain: Decoding Bill Gates“. Duke postuar një video në Instagram gjatë vizitës së tij në zyrën e Seattle, Smith tha: “Zyra e tij është mahnitëse“. Por ajo që e mahniti atë nuk ishte pamja befasuese apo biblioteka, por tabela periodike masive që mbulonte të gjithë murin e zyrës së tij (ku nuk janë të pranishme kimikatet radioaktive).
