Teleskopi Hapësinor James Webb i NASA-s ka zbuluar një kategori të re misterioze objektesh ndërsa po studionte Orion Nebula rreth 1344 vite dritë larg.
Jupiter-mass binary objects, ose ‘JUMBO’, janë një kategori e re e çuditshme e objekteve që duket se sfidojnë klasifikimin aktual dhe madje i kanë lënë shkencëtarët të habitur. Ata quhen JUMBO sepse janë të ngjashëm në masë me Jupiterin, por nuk mund të jenë planetë sepse nuk rrotullohen rreth një ylli kryesor – dhe janë shumë të vegjël për të qenë yje. JUMBO-t përmbajnë avull dhe metan në atmosferat e tyre dhe temperaturat e sipërfaqes prej rreth 1,000°C, por ekspertët nuk mendojnë se në këto hapësira ekziston jetë aliene. JUMBO-të u identifikuan në imazhet e reja të zbuluara nga Agjencia Evropiane e Hapësirës (ESA) që tregojnë Orion Nebula në detaje.
Sipas agjencisë, të dhënat nga teleskopët tokësorë sugjeronin ekzistencën e JUMBO-ve përpara se ato të identifikoheshin zyrtarisht nga James Webb. “Ne po kërkonim për këto objekte shumë të vogla dhe i gjetëm ato”, tha profesori Mark McCaughrean në ESA.
Teleskopi James Webb vëzhgoi rreth 40 JUMBO në total. Ndërsa JUMBO-të janë shumë të vegjël për të qenë yje, kjo nuk do të thotë se janë planetë. Ata lëvizin në mënyrë të lirshme dhe nuk rrotullohen rreth një ylli mëmë.
