Samsung Electronics njoftoi se është shpallur fitues në kategorinë e fshesave me korrent shkop në Çmimet Euroconsumers 2025.
Që nga viti 2019, Samsung ka dëshmuar ekspertizën e tij në fushën e fshesave pa kabull, kur prezantoi linjën Jet në tregun global dhe që nga atëherë vazhdoi çdo vit me inovacione të reja. Çmimi vlerëson cilësinë e lartë të produkteve Samsung në të gjithë linjën Jet, e testuar nga organizata Euroconsumers, e cila përfshin modelet Jet 75, Jet 85 dhe Jet 95, të cilat të gjitha ofrojnë pastrim jashtëzakonisht efektiv të llojeve të ndryshme të dyshemeve, në një dizajn të lehtë dhe praktik.
Ky çmim pasqyron suksesin e jashtëzakonshëm të Samsung në një proces të thelluar vlerësimi nga organizata Euroconsumers, i cili kombinon rezultatet e testuara në laborator të mbi 3,000 produkteve me hulumtime të gjera të konsumatorëve në të gjithë Evropën. Me vlerësime të larta për besueshmërinë, Samsung u shpall fitues në kategorinë e fshesave vertikale pa kabull.
“Samsung ka një traditë të gjatë inovacioni në kategorinë e fshesave me korrent shkop, duke përfshirë edhe lançimin e fshesës më të fuqishme në botë,” theksoi Jeong Seung Moon, nënkryetar ekzekutiv dhe drejtues i ekipit të hulumtimit dhe zhvillimit në njësinë e pajisjeve digjitale për shtëpi të Samsung Electronics. “Edhe në të ardhmen, ne do të përmirësojmë kënaqësinë e konsumatorëve përmes performancës së shkëlqyer dhe praktikësisë, të mbështetur nga inteligjenca artificiale.”
Çmimet Euroconsumers organizohen nga Euroconsumers, organizata udhëheqëse globale e konsumatorëve, e cila përfaqëson organizatat kombëtare të konsumatorëve në Belgjikë, Itali, Portugali, Spanjë, Poloni dhe Brazil. Së bashku, ato japin zërin e tyre për më shumë se gjashtë milionë konsumatorë në mbarë botën. Deri vitin e kaluar, Euroconsumers jepte çmimet BeXt, të cilat vlerësonin markat bazuar në kriterë si raporti cilësi-çmim dhe miqësia ndaj mjedisit. Edicioni për vitin 2025 shënon një ndryshim të rëndësishëm, pasi çmimet tani fokusohen në ekselencën e produkteve në tre sektorë kryesorë: teknologji e lartë, pajisje të mëdha shtëpiake dhe pajisje të vogla shtëpiake.
Kjo njohje pason çmimet e mëparshme që Samsung ka fituar nga organizata Euroconsumers, përfshirë fitoren në kategorinë Hi-Tech Value for Money për raportin optimal cilësi-çmim dhe çmimin Eco-Friendly për pajisjet e mëdha shtëpiake në BeXt Awards 2024. Si shenjë e angazhimit ndaj zgjidhjeve inteligjente dhe të fuqishme për shtëpinë, Samsung do të prezantojë inovacionet e tij më të fundit në fushën e fshesave në janar, gjatë panairit CES 2026.
