X, platforma e njohur më parë si Twitter, prezantoi disa shërbime të reja këtë javë. Megjithatë, ato janë ekskluzivisht për abonentët X Premium, shërbimi i abonimit me $8 në muaj që dikur quhej Twitter Blue.
Shërbimi për të fshehur postimet e pëlqyera
Së pari, X njoftoi paraqitjen e një veçorie që lejon përdoruesit Premium të fshehin se cilat postime kanë pëlqyer. Kategoria e pëlqimeve zakonisht qëndron në profilin e përdoruesit. Duke fshehur këtë kategori, vizitorët në profilin e një përdoruesi nuk do të jenë më në gjendje të shohin postimet që ky përdorues ka pëlqyer.
Abonentët Premium mund të gjejnë opsionin për të fshehur pëlqimet duke klikuar te Premium, më pas Preferences, pasuar nga Early Access. Skeda e personalizimit të profilit më pas tregon një kuti kontrolli që fsheh kategorinë e pëlqimeve. Megjithatë, Musk nuk dëshiron që ju ta përdorni shërbimin e ri dhe në fakt po inkurajon përdoruesit të mbajnë të hapura pëlqimet e tyre.
Verifikoni llogarinë tuaj me ID-në e vërtetë
Vetëm një ditë pas njoftimit të X në lidhje me fshehjen e pëlqimeve, kompania lëshoi gjithashtu verifikimin e vërtetë të ID-së për abonentët X Premium. Opsioni mund të gjendet nën seksionin Verification në settings të X Premium të një përdoruesi. Abonentët Premium që zgjedhin të aktivizojnë verifikimin e ID-së do të duhet të ngarkojnë një foto të kartës zyrtare të ID-së qeveritare si dhe një selfie.
Platforma e mediave sociale ka bashkëpunuar me kompaninë e verifikimit të identitetit Au10tix, e cila përdor të dhëna biometrike për të konfirmuar identifikimin e një përdoruesi.
