Në shumicën e rasteve Apple nuk preferon të flasë me shifra ekzakte në lidhje me kapacitetin e baterisë në pajisjet e reja që prezanton.Maksimumi që Apple tregon për bateritë në modelet e tyre të fundit të iPhone është se ato mund të ofrojnë një bateri që zgjat “gjithë ditën“.
Mirëpo MySmartPrice zbuloi kapacitetin e baterisë për të katër telefonat e serisë iPhone 15 në një databazë të dhënash në agjencinë rregullatore kineze. Sipas këtyre të dhënave, katër modelet e iPhone të vitit 2023 janë pajisur me bateri që variojnë në madhësi nga 3349mAh deri në 4,422mAh. Vitin e kaluar, iPhone 14 Plus thjesht mundi për pak iPhone 14 Pro Max dhe u bë iPhone me baterinë më të madhe në historinë e pajisjes. Por këtë vit, ky titull i përket iPhone 15 Pro Max.
Pra, këto janë shifrat e kapacitetit të baterisë dhe fuqisë për serinë iPhone 15:
- iPhone 15 3,349 mAh, 12,981 Wh, rritje 2,1% nga iPhone 14
- iPhone 15 Plus 4383 mAh, 16.950 Wh +1.3% nga iPhone 14 Plus
- iPhone 15 Pro 3274 mAh, 12.70 Wh +2.3% nga iPhone 14 Pro
- iPhone 15 Pro Max 4,422 mAh, 17,109 Wh +2,3% nga iPhone 14 Pro Max
Apple thotë se iPhone 15 dhe iPhone 15 Plus do të luajnë video për 20 dhe 25 orë me një karikim, respektivisht. Për modelet Pro, iPhone 15 Pro do të luajë video për 23 orë ndërsa bateria e iPhone 15 Pro Max do t’ju lejojë të shikoni video për 29 orë pa pasur nevojë të karikoni. Këto janë vlerësimet që Apple ka postuar në faqen e saj të internetit.
Apple rekomandon gjithashtu përdorimin e një karikuesi 20Wpër të katër telefonat. Ata gjithashtu mbështesin karikimin pa tel MagSafe deri në 15W dhe karikimi me valë Qi mbështetet deri në 7.5W. Duhet të theksojmë se modelet e reja iPhone 15 Pro dhe iPhone 15 Pro Max duhet të kenë përmirësime të jetëgjatësisë së baterisë falë çipit 3nm A17 Pro. A17 Pro ka 19 miliardë transistorë, një rritje prej 19% nga 16 miliardë në çipin A16 Bionic. Sa më shumë tranzistorë brenda një çipi, zakonisht aq më i fuqishëm dhe më efikas në energji është ai.
