Apple pritet të prezantojë serinë e re të iPhone 15 muajin e ardhshëm. Megjithatë, ka shumë thashetheme që pretendojnë se kompania ka pasur disa probleme me prodhimin në masë të disa komponentëve, si ekrani dhe kamerat.
Edhe pse gjithçka tregon se iPhone 15 do të prezantohet në shtator, analisti Jeff Pu beson se Apple tashmë po pakëson prodhimin e telefonave të rinj.
Në një shënim dërguar investitorëve, Pu përmend se Apple pritet të prodhojë 77 milionë njësi iPhone 15 deri në fund të vitit. Më parë, kompania vlerësohej të dërgonte rreth 83 milionë njësi iPhone 15. Sipas analistit, ka dy arsye kryesore pas kësaj pritshmërie.
Së pari, ai shpjegon se problemet e furnizimit ka të ngjarë të ndikojnë ende në prodhimin në masë të iPhone 15. Ai përmend në mënyrë specifike se sensorët e kamerës së Sony, korniza e re prej titani për modelet Pro dhe ekrani i ri me korniza më të holla mund të vonojnë prodhimin e telefonave të rinj.
Në të njëjtën kohë, Pu beson gjithashtu se Apple ka rregulluar parashikimin e shitjeve për shkak të “shqetësimeve të kërkesës“.
Sipas thashethemeve, iPhone 15 Pro dhe iPhone 15 Pro Max do të jenë më të shtrenjtë se paraardhësit e tyre dhe kjo mund të rezultojë në kërkesë më të ulët. “
