Në të gjitha ambientet e punës ne përballemi me nivele të ndryshme stresi. Megjithatë, një person mund të përballet me një stres akoma dhe më të avancuar kur vendi i punës është “toksik” apo kur drejtuesi i kompanisë nuk është mbështetës apo profesionist.
Madje, ju mund të kritikoheni nga drejtues të tillë dhe kur bëni gjëra shumë të vogla, si përshembull karikimi i smartphone-it në vendin e punës.
Një punonjës tregoi një situatë mjaft të çuditshme me të cilën u përball në vendin e tij të punës. Në një postim në Reddit që po bëhet viral, një përdorues që quhet @Melodic-Code-2594, tregoi se shefi i tij i bërtiti për karikimin e telefonit në punë, duke e akuzuar atë për “vjedhjen e energjisë elektrike të kompanisë për përdorim personal.”
Ai shkroi: “Shefi im më akuzoi sot pasi po karikoja smartphone-in tim në punë, duke thënë se po vjedh energjinë elektrike të kompanisë për përdorim personal. Çfarë mendoni ju djema? Unë nuk jam në telefonin tim gjatë gjithë ditës ose ndonjë gjë, por ndonjëherë harroj ta karikoj atë natën para se të shkoj në shtrat.”
Eshtë e panevojshme të thuhet se përdoruesit e Reddit kanë mbetur të tmerruar dhe kanë kundërshtuar sjelljen e menaxherit të punonjësit. Një përdorues tha, “Të thuash se po vjedh energjinë elektrike të kompanisë është si të thuash që duke marrë frymë po vjedh ajrin e kompanisë ose të pish nga një burim uji është vjedhje e ujit të kompanisë.” Një tjetër komentoi, “Thuaji atij se nuk do ta karikosh telefonin në zyrë, por nuk do të marrësh asnjë telefonatë nga zyra pasi kompania po të vjedh kohën e bisedës dhe jetëgjatësinë e baterisë.” Një i tretë tha: “Thuaji atij se 3 centët që duhen për të karikuar telefonin nuk janë asgjë në krahasim me atë që ai po vjedh duke mos ju paguar mjaftueshëm“.
“Thuaji shefit tënd të mos e lajë tualetin pas përdorimit, sepse ai vjedh ujin e kompanisë,” tha me shaka një i katërti. Përdoruesi më vonë redaktoi postimin dhe zbuloi se ai e kuptoi se menaxheri i tij do të largohej nga puna në fund të muajit.
