Google shpreson të joshë punëtorët të kthehen në zyra me një “ofertë speciale”, por disa punëtorë nuk janë të bindur se kjo është një ofertë aq e mire sa Google e reklamon.
Kompania tha se punonjësit me kohë të plotë mund të rezervojnë një dhomë në një hotel në kampus në Mountain View për $99 në natë në atë që konsiderohet si “Summer Special“. Përshkrimi thotë se oferta do të zgjasë deri më 30 shtator me shpresën se “do ta bëjë më të lehtë për punonjësit e Google kalimin në vendin e punës hibrid“.
Meqenëse promovimi është për udhëtime pune të pamiratuara, kompania nuk do të rimbursojë qëndrimet e tyre, pra punonjësit do të duhet të shpenzojnë paratë e tyre për të qëndruar sa më pranë punës. “Vetëm imagjinoni të mos shkoni në zyrë në mëngjes dhe në vend të kësaj, mund të keni një orë më shumë gjumë”, thuhet në përshkrim. “Më pas, ju mund të dilni nga dhoma juaj dhe të hani shpejt një mëngjes të shijshëm ose të bëni një stërvitje përpara se të fillojë puna.”
Disa punonjës kanë komentuar marrëveshjen e hotelit në forumet e brendshme të diskutimit. Një meme tepër e pëlqyer në forum tregonte një skenë në filmin “Mean Girls”, ku personazhi kryesor i luajtur nga Lindsey Lohan thotë “Jo, faleminderit“. “Tani mund t’ia kthej Google-it një pjesë të pagesës time,” shkruhej një tjetër meme shumë të pëlqyer.
