Krijimi i serialit të bazuar në historinë e animes mjaft të famshme One Piece është lajmëruar para shumë kohësh, dhe më në fund Netflix arriti të prezantojë trailer-in e parë të këtij seriali gjatë eventit Tudum. Në këtë klip shfaqen 90 sekonda nga aksioni i pranishëm në këtë serial me piratë, ku përfshihen personazhet kryesorë (me Inaki Godoy në rolin kryesor) si dhe krijesat gjigande të detit.
Gjatë këtij eventi Neflix konfirmoi gjithashtu ddhe datën e prezantimit të këtij seriali që do të përbëhet nga 8 seri: 31 gusht.
Kjo përshtatje e historisë shumë të gjatë të krijuar nga Eiichiro Oda në formën e anime dhe manga u lajmërua për herë të parë në vitin 2020. Që nga ajo kohë ne jemi njohur me disa pamje të vogla, por me publikimin e trailer-it këto ditë arritëm të kuptonim më tepër.
Muajin e kaluar Oda shkruajti një letër ku tregonte se “Netflix më ka premtuar se nuk do ta lançojë këtë serial deri në momentin që unë të jem i kënaqur nga ky krijim.” Ai shtoi se “në qoftë se do të krijohej një serial i ri i bazuar në historinë e One Piece, është më mirë të krijohet për sa kohë ai është ende aktiv.”
Netflix po shpreson se One Piece do të rrisë aktivitetin në platformë më tepër se përshtatjet e mëparshme të anime si filmi Death Note apo seriali Cowboy Bebop.
