Përgatituni që të jeni të lirë në datat 27-28 maj, pasi DOKU.TECH do të organizojë edicionin e dhjetë në Pallatin e Rinisë, Prishtinë dhe do të inspirojë epokën e re të dixhitalizimit. DOKU.TECH është një event që zhvillohet çdo vit në Kosovë, dhe bashkon folësit më të aftë në tema të caktuara, pionerë të teknologjisë, inovatorë dhe biznesmenë nga e gjithë bota për të eksploruar trendet dhe zhvillimet më të reja të teknologjisë, medias dixhitale dhe sipërmarrjes.
Në këtë edicion të 10-të DOKU.TECH do të eksplorojë rolin e dixhitalizimit dhe se si ne, së bashku, mund të krijojmë të ardhmen tonë. Disa mendues besojnë se nëse ju mund të parashikoni të ardhmen tuaj dhe të tregoni se si dëshironi të jeni në 30,40 apo 50 vite, do të planifikoni që të punoni drejt krijimit të kësaj të ardhme.
Përgjatë 10 viteve të fundit, ky event ka arritur një sukses të vërtetë, duke tërhequr vëmendjen e mijëra pjesëmarrësve. Në edicionet e mëparshme DOKU.TECH është fokusuar në inteligjencën artificiale, sigurinë kibernetike, sigurinë personale dixhitale dhe mbikëqyrjen si dhe trendet e sipërmarrjeve. Folësit nuk kanë qenë vetëm persona të njohur ndërkombtarisht, por dhe talente vendas si Bes Bujupi, Laura Mersini-Houghton, Akan Ismaili, Krenar Komoni apo Drena Kusari. Të tjerë folës ndërkombëtarë përmendim: Bruce Sterling, Esther Dyson, Kentaro Toyama, Yanki Margalit, Peter Sunde, Laura Mersini-Houghton, Mike Butcher (TechCrunch), Aral Balkan, Addie Wagenknecht, etj.
Folësit e konfirmuar, deri tani, të këtij edicioni janë:
- Kasia Odrozek – Director Insights at Mozilla Foundation
- Fatos Ismali – Senior Data & AI Solutions Architect at Microsoft, UK
- Mira Murati – Chief Technology Officer at OpenAI
- Pamela Mishkin – Member of Technical Staff at OpenAI
- Maciej Kuziemski – Managing Director of Philanthropy for Impact, Central European initiative
- Jelena Memet – Founder & Director, Alternative Girls Center
- Ralph Talmont – Chief Creative & Communciations Officer, Collectico
- Shermin Voshmgir – Author of best selling book “Token Economy“, the founder of Token Kitchen
- Paulina Chotrova – Social changemaker, deep tech and robotics explorer
- Nikolay Chotrov – Software & Hardware Engineer
Geek Room do të ketë mundësi të ndjeki nga afër këtë edicion si një prej partnerëve mediatik. Prandaj, këtë fundjavë na ndiqni në rrjete sociale pasi kemi shumë për të zbuluar.
