Ekipi përfaqësues i Blue Origin arriti që të fitonte tenderin prej $3.4 miliardë të NASA për të ndërtuar një anije kozmike specifike e cila do të dërgojë astronautët në sipërfaqjen e Hënës. Kjo gjë u bë e ditur nga agjencia hapësinore e SHBA ditën e premte dhe që shënon një sukses të madh për Blue Origin, e cila para 2 vitesh humbi një tender të tillë që u fitua nga SpaceX.
Blue Origin planifikon që të ndërtojë këtë anije kozmike 16 metra të gjatë në bashkëpunim me Lockhead Martin Corp, Boeing, Draper dhe Astrobotic. Vendimi i NASA për të lidhur kontratën me Blue Origin do t’i japë kompanisë një mundësi të dytë për të marrë pjesë në programin Artemis, misioni i parë që pas vitit 1972 që do të bëjë të mundur dërgimin e astronautëve në Hënë.
“Unë e kam thënë dhe më parë, ne dëshirojmë më tepër rivalitet, ne dëshirojmë dy anije kozmike, dhe kjo na jep një rezultat më të mirë.” tha administratori i NASA Bill Nelson. “Në këtë mënyrë ne do të kemi më tepër besueshmëri dhe një plan rezervë.”
Kjo kontratë ndjek trendet më të reja të NASA për të mbështetur zhvillimin e anijeve kozmike për astronautët, dhe më pas shpenzon para për të përdorur këto anije në misione në vend që të shpenzojë më tepër para për të krijuar vetë këto makineri.
“Jemi të nderuar që të marrim pjesë në këtë rrugëtim me NASA për të dërguar astronautët në Hënë, të cilët do të qëndrojnë atje.” tha themeluesi i Amazon, Jeff Bezos në Twitter.
