Studimet e reja kanë treguar se materialet plastike mikroskopike mund të kalojnë barrierën gjak-tru si dhe të futen në tru pas gëlltitjes. Në trurin e minjve të cilët ishin ushqyer me këto materiale u gjetën materialet mikroplastike vetëm 2 orë pas gëlltitjes së tyre përmes mekanizmave të panjohur më parë nga shkenca.
Në momentin që këto mikroplastika futen në try mund të rrisin rrezikun për sëmundje shumë të rëndësishme. “Në tru, copëzat e plastikës mund të rrisin rrezikun për inflamacion, çrregullime neurologjike apo sëmundje neurodegjenerative si Alzhaimeri apo Parkinsoni.” tha Lukas Kenner, shkencëtar drejtues i studimeve në një deklaratë.
Mikroplastika gjendet në çdo vend të mundshëm, për shkak të përdorimit të gjërë të tyre pranë nesh. Ato janë gjetur tek kafshët në mbarë globin, madje dhe në placentët humane. Këto materiale mund të futen në trupin tonë përmes pirjes së ujit nga shishet plastike, dhe mendohet se rreth 90,000 copëza plastike në vit mund të futen brenda trupit të personave që pijnë ujë nga shishja.
Që nga zbulimi i këtij fenomeni, është rritur shumë shqetësimi se copëzat plastike mund të shkaktojnë sëmundje të shumta. Duke përdorur simulimet në kompjuter, ekipi i shkencëtarëve zbuluan një mekanizëm transporti pasiv që ndihmonte kalimin e mikroplastikës përtej membranës, nëpërmjet ndihmës së molekulave të kolesterolit.
