Google ka përdorur sensorët e kamerave të Samsung, panelet e ekraneve, modemët si dhe pajisje të tjera elektronike që nga lançimi i serisë Pixel 6. Një gjë e tillë duket se do të vazhdojë ende, pasi raportimet tregojnë se Google do të përdorë sensorin më të madh të kameras që Samsung prodhon në serinë e rradhës së smartphone-ve flagship.
Ice Universe tregon se Pixel 8 Pro do të pajiset me sesnroin ISOCELL GN2, sensori më i madh i Samsung 1/1.2 inç me rezolucuon 50MP, i cili është lançuar 2 vite më parë. Në kohët e fundit kemi parë një trend ku të gjitha kompanitë po i afrohen përdorimit të sensorëve 1 inç, përveç Samsung.
Pixel 8 Pro may also use Samsung GN2 1/1.12 “
— Ice universe (@UniverseIce) April 23, 2023
ISOCELL GN2 ofron binning process 4-në-1, duke arritur një performancë shumë të mirë në ambiente me pak ndriçim. Ky sensor mundet gjithashtu të krijojë fotografi me rezolucion 100MP duke përdorur algoritme të caktuara.
Për sa i përket videove, sensori mund të regjistrojë video 8K në 30fps, 4K në 120fps si dhe video FHD në 480fps. Shërbimi Dual Pixel Pro autofocus ofron një fokusim të shpejtë, të besueshëm dhe shumë të saktë. Nga ana tjetër ofrohet gjithashtu Staged HDR, një proçes 24% më pak kërkues se HDR i rregullt, ndërkohë që ruan shumë mirë detajet.
