Kostumet e mëdha të bardha të mëdha të veshura nga Neil Armstrong dhe astronautë të tjerë që morën pjesë në misionet Apollo gjysmë shekulli më parë kanë dalë nga moda. NASA e kuptoi këtë fakt dhe vendosi që të dizenjonte disa kostume të reja më të rehatshme për astronautët.
Ditën e mërkurë agjencia hapësinore prezantoi prototipin e parë të gjeneratës së re të kostumeve hapësinore “Axiom Extravehicular Mobility Unit”, të cilat janë të dizenjuara specifikisht për astronuatët e parë që do t’i veshin në udhëtimin e tyre drejt sipërfajes së Hënës. Prezantimi i kostumit të ri u bë në Johnson Space Center gjatë një eventi të organizuar nga Axion Space, kompania e kontraktuar nga NASA për krijimin e kostumeve hapësinor për programin Artemis.
NASA dhe Canadian Space Agency planifikojnë të prezantojnë së shpejti 4 astronautët e përzgjedhur për të fluturojnë vitin e ardhshëm në misionin Artemis 2. Nëse ky fluturim rezulton i suksesshëm, atëherë programi do të vazhdojë me Artemis 3, ekspeditën e parë të humanëve në polin e jugut të Hënës.
Qëllimi i programit Artemis është që të eksplorojë Hënën dhe të gjejë hapësira të përshtatshme për ndërtimin e një bazë hënore që do të shërbejë si një pikënisje për misionet e fluturimit drejt Marsit.
