Astronomët kanë arritur të shkrepin fotografinë e parë të “galaksisë së padukshme” duke përdorur teorinë e relativitetit të Albert Ajnshtajn. Kjo galaksi u formua 2 miliardë vite pas shpërthimit të Big Bang, dhe ka mbetur e pazbuluar për kaq shumë kohë falë distancës së largët të saj dhe falë mbulimit nga pluhuri ndërhapësinor.
Teoria e Ajnshtajnit tregon se shpërndarja e masës mund të shërbejë si një lente gravitacionale që përkul dritën, dhe një ekip astronomësh në Itali nga shkolla Sissa përdorën këtë ide për të parë pjesën e pasme të galaksisë së padukshme. Ekipi i astronomëve përdorën teleskopin ALMA në Kili për të bërë këtë observim të mrekullueshëm.
Në këtë galaksi yjet formohen në një shkallë 1000 herë më të lartë se në Rrugën e Qumështit.
“Galaksitë e largëta janë me të vërtetë miniera plot informacion rreth të shkuarës dhe të evolucionit të universit tonë,” tregon autorja e studimit Marika Giulietti. “Megjithatë studimi i tyre është tepër i vështirë. Ato janë kompaktë dhe kjo gjë e bën të vështirë observimin e tyre.”
Sipas Giulietti ka patur disa galaksi të ndryshme që janë zbuluar me tepër vështirësi për shkak se ato janë plotësisht të errëta dhe në teleskopë mjaft të fuqishëm si Hubble.
“Nga observimet që ne kemi bërë kemi mësuar se kjo galaksi është tepër kompakte, e re dhe po krijon yje në një shkallë shumë të lartë.”
