Raportimet e fundit tregonin se Samsung do të lançonte serinë e re të smartphone-ve Galaxy A në janar ose shkurt të 2023, megjithatë ne ende nuk kemi parë asnjë prezantim zyrtar nga ana e kompanisë për Galaxy A34 5G dhe Galaxy A54 5G.
Leaker-i SnoopyTech ka publikuar disa informacione të reja në Twitter në lidhje me variantet e ngjyrëave dhe memories me të cilat këto smartphone do të vijnë. Do të ofrohen 4 ngjyra të ndryshme me këto smartphone: Awesome Graphite, Awesome Lime, Awesome Violet dhe Awesome White. Për sa i përket memories, do të ofrohen 2 variante: 8GB RAM + 128GB internal storage ose 8GB + 256GB internal storage. Me shumë mundësi Galaxy A54 5G do të ketë dhe një hapësirë për një kartë microSD.
Ky smartphone do tëk etë një ekran 6,4” Super AMOLED me rezolucion Full HD dhe 120Hz refresh rate. Në pjesën e pasme do të gjendet kamera ultrawide 12MP, kamera macro 5MP, kamera kryesore 50MP, ndërkoë që kamera selfie do të ketë rezolucion 32MP dhe do të mund të regjistrojë në cilësinë 4K.
Bateria do të ketë një kapacitet prej 5,100mAh, do të vijë me Wi-Fi 6, Bluetooth 5.2 dhe skanues të shenjës së gishtit nën ekran.
