Kanë kaluar 5 vite që nga koha kur SpaceX testoi raketën e fuqishme Falcon Heavy në fluturimin e saj të parë. Në datën 6 shkurt 2018, CEO i SpaceX dhe i Tesla, Elon Musk, mendoi se ishte një ide e mirë që së bashku me këtë raketë të dërgonte dhe një Tesla Roadster në hapësirë. Edhe sot e kësaj dite, kjo makinë është ende në hapësirë.
Për Elon Musk kanë ndryshuar shumë gjëra që nga ajo kohë. Ai ka blerë Twitter, ka bërë shumë përmirësime në projektet Starship dhe ka lançuar shumë raketa Falcon 9 drejt hapësirës. Megjithatë Tesla Roadster dhe manekini i quajtur Starman është rrotulluar në orbitën e Tokës për 5 vite.
Mirëpo ku gjendet ai momentalisht?
Për të parë vendndodhjen në kohë reale të makinës, ju mund të klikoni në këtë website.
Whereisroadster.com ka qenë aktiv që nga viti 2018, duke ndjekur udhëtimin e makinës në hapësirë. krijuesi Ben Pearson tregoi në përvjetorin e 5-të të lançimit se Roadster do të kalojë orbitën e Marsit për herë të 4-t që nga lançimi i saj.
Makinës i duhen rreth 557 ditë për t’u rrotulluar rreth diellit. Sipas përllogaritjeve të Pearson, Tesla Roadster e ka kaluar garancinë e saj prej 60,000km 70,050 herë.
Studiuesit kanë bërë studime nëse në të ardhmen kjo makinë mund të përplaset me Tokën dhe kanë përllogaritur një rrezik 6% që makina të përplaset me Tokën në 1 milionë vite.
