Lexus ka lajmëruar të gjithë ndjekësit e saj se ka nisur punën për të zhvilluar makina elektrike të cilat kanë transmision manual, pasi kompania po mundohet të “rikrijojë” eksperiencën e drejtimit të makinave elektrike.
Dhe pse prodhuesi japonez njihet më tepër për prodhimin e versioneve hibride gjatë këtyre ditëve, Lexus ka një histori fantastike kur vjen puna tek makinat me performancë të lartë, si përshembull Lexus LFA në vitet 2010.
Një model i ngjashëm është tashmë në planet e kompanisë, siç tregohet me makinën koncept “Electrified Sport”. Kompania tashmë ka ofruar disa detaje të tjera për sa i përket kësaj makine, duke konfirmuar se makina të tjera sportive elektrike do të vijnë në të ardhmen.
Lexus tregon se modeli UX300e do të arrijë shpejtësinë 100km/h nga qetësia në vetëm 2 sekonda. Mirëpo zhvillimi më i interesant që do të implementohet në këtë makinë është transmisioni manual, gjë që nuk është parë asnjëherë më parë në makinat elektrike.
Kur Takashi Watanabe, inxhinier i lartë në departamentin e makinave elektrike, u pyet se cila ishte gjëja që i pëlqente më tepër në drejtimin e makinave, ai i dha prioritet transmisionit manual. “Nuk ka asgjë më tërheqëse për një drejtues pasionant se ndërrimi i marrsheve në çdo kohë të mundur.” tha Watanabe.
