Pothujase një muaj pasi Nothing solli smartphone-in e parë që ka prodhuar, Phone (1), në SHBA, vjen lajmi i ri se kompania po përgatitet për të lançuar Phone (2) më vonë gjatë këtij viti në SHBA.
Përgjatë një interviste me Inverse CEO dhe bashkëthemeluesi i Nothing, Carl Pei, nuk tregoi shumë detaje rreth pajisjes së re.
“Ne po zhvillojmë një smartphone më cilësor se Nothing Phone (1) dhe software do të jetë zona ku ne do të fokusohemi më së tepërmi.” tha Pei. Ai shtoi se e shikon Phone (1) si një smartphone flagship, ndërkohë që Phone (2) do të jetë një nivel më lart se paraardhësi.
Pei tregoi për Inverse se rritja e numrit të shitjeve dhe fitimeve të kompanisë bëri të mundur që Nothing të sillte produktet e saja në SHBA si pjesë e programit testues Android 13.
“Kur krijohet një smartphone për SHBA ne duhet të punojmë me kompanitë telefonike për të marrë çertifikimin e duhur dhe për të integruar disa shërbime të tyre në sistemin tonë operativ. Më parë ne nuk kishim resurset e duhura për të bërë një gjë të tillë.”
Nothing Phone (1) u lançua zyrtarisht në korrik të vitit 2022 si një smartphone me performancë të mirë dhe me çmim akoma më të mirë. Dizajni i veçantë i kësaj pajisje ishte gjithashtu një pikë mjaft tërheqëse.
article by: Arnold Kajolli
