Kanë mbetur vetëm disa ditë deri në zhvillimin e eventit të madh Pixel të Google, ku kompania do të prezantojë linjën e re Pixel 7 së bashku me orën e re smart. Leaks të ndryshme kanë bërë të mundur që të sigurojmë disa informacione më tepër rreth shërbimeve dhe specifikave të këtyre produkteve.
Imazhet e shpërndara nga OnLeaks dhe Slashleaks dhe Slashleaks tregojnë se do të ketë së paku 4 dizajne të ndryshme rripash për orën në shumë ngjyra. Ato duket se do të ofrohen me një rrip silikoni, një rrip metalik, dhe 2 lloje të ndryshme rripash lëkure.
Siç mund ta shikoni dhe në foto, do të ketë shumë mundësi personalizimi pasi ngjyrat janë të shumëllojshme si gri, e zezë, e bardhë, e kuqe, jeshile, kafe.
Përveç rripave, imazhet na tregojnë dhe disa prej ndërfaqjeve të ndryshme që do të përdoren në Pixel Watch. Këtu përfshihet një Watch-face analoge që përfshin informacione mbi rrahjet e zemrës së përdoruesit, një tjetër me pamje të animuar artistike. Gjithashtu mund të vihet re dhe integrimi me Fitbit, që përfshin matësin e hapave, leximet e ECG, si dhe një fuknsion telefonate emergjence.
Në listimin në Amazon u bë e ditur se të gjithë klientët që do të pajisen me këtë orë do të përfitojnë 6 muaj falas akses në Fitbit Premium.
Pixel Watch do të ketë një rezistencë ndaj ujit 5ATM, xham mbrojtës Corning Gorilla Glass, proçesor Exynos 9110 dhe bateri që zgjat gjatë gjithë ditës. Screenshot-et tregojnë se çmimi fillestar i kësaj pajisje do të jetë $349.
