Meta, kompania mëmë e Facebook dhe Instagram, ka rishkruar website-et të cilëve përdoruesit i drejtohen, duke mundësuar kështu që kompania të gjurmojë aktivitetin e tyre në web pasi ato klikojnë links në aplikacione. Kjo gjë është zbuluar na një kërkim i ri i bërë nga një ish-inxhinier në Google.
Që të dy aplikacionet po përfitojnë nga fakti që përdoruesit të cilët klikojnë në links drejtohen në browser-in brenda aplikacionit, të kontrolluar nga Facebook dhe Instagram, në vend që të drejtohen në browser-in që ato përdorin normalisht, si Safari apo Chrome.
“Instagram injekton kodin e tij të gjurmimit në çdo website të shfaqur, duke përfshirë këtu dhe klikimet në reklama, duke regjistruar të gjithë ndërveprimet, çdo link i klikuar, çdo screenshot, së bashku me passwords, adresa apo numrat e kartës së kreditit.” thotë Felix Krause.
Përmes një deklarate për shtyp, Meta tha se injektimi i një kodi gjurmimi u vendos në bazë të preferencave të përdoruesve, dhe se kjo gjë përdorej vetëm për të grumbulluar informacione para se atyre t’i shfaqen reklama të personalizuara.
“Ne e zhvilluam këtë kod për të nderuar zgjedhjet e përdoruesve (Ask to track) në platformën tonë.” tha një zëdhënës i kompanisë.
