Microsoft sapo lajmëroi disponibilitetin e plotë të ARM64EC, i cili do të lejojë zhvilluesit të krijojnë aplikacione me një kombinim të kodit x64 dhe ARM. Për shembull, një pjesë e aplikacionit mund të punojë në kodin ARM, por disa extensions apo shërbime specifike mund të kenë nevojë për kodin x64 që hapet përmes një simulimi. Rezultati përfundimtar do të ishte një performancë akoma dhe më e mirë e Windows 11 në pajisjet ARM.
Me ARM64EC, zhvilluesit kanë mundësinë të migrojnë gradualisht aplikacionet në ARM pa pasur nevojë për të pritur deri sa gjithçka të kthehet. Microsoft shpjegoi përfitimet e përdorimit të ARM64EC përmes një postimi në blog kur shërbimi u prezantua për herë të parë.
“Me ARM64EC, ju mund të zgjidhni nisjen në mënyrë të ngadaltë dhe të rriteni vazhdimisht me kalimin e kohës. Ju mund të identofikoni një pjesë të kodit bazë që do të përfitojë shumë nga performanca native dhe do të rindërtphet si ARM64EC.” shpjegoi Microsoft.
“Me kalimin e kohës, ju mund të rikompiloni një pjesë më të madhe të aplikacionit si ARM64EC për të përmirësuar akoma më tepër performancën dhe të ulni komsumin e baterisë në pajisjet e klientëve të aplikacionit tuaj.”
Deri në momentin që ARM64EC u prezantua, zhvilluesit nuk mund të kalonin një aplilacion të lënë përgjysëm. Tashmë aplikacioni mund të kalohet gradualisht nga kodi x64 në ARM, gjithashtu do të vihet re rritja e performancës në mënyrë të menjëhershme.
