Një paralajmërim për të gjithë personat që dëshirojnë të shikojnë thriller-in e ri Bullet Train me Brad Pitt – ky film është tepër (dhe jo vetëm) i dhunshëm. Mirëpo edhe nëse plumbat, therjet apo kafshimet e gjarpërinjve nuk janë gjërat që ju parapëlqeni, do të mbeteni të mahnitur nga koreografia e skenave të luftimit madje do të qeshni me të madhe me humorin e hollë të përfshirë në këtë film.
Filmi me regjizor David Leitch zhvillohet në një version të trilluar të trenëve me shpejtësi të lartë në Japoni, siç njihen ndryshe me emërtimin Shinkansen, që udhëton nga Tokio në Kioto. Kasti i këtij filmi përmban shumë personazhe të njohur, si Brad Pitt, Joey King, Aaron Taylor-Johnson, Brian Tyree Henry dhe Bad Bunny, ku secili prej tyre ka një arsye të veçantë për të hipur në këtë tren. Problemet nisin kur këta personazhe ndërhyjnë në punët e njëri tjetrit gjatë plotësimit të misionit të tyre.
Bazuar në librin Maria Beetle nga romancieri japonez i krimit Kōtarō Isaka, filmi është një adaptim që përdor një kast ndërkombëtar personazhesh, edhe pse është përballur me akuza zbardhuese, veçanërisht nga David Inoue, drejtor ekzekutiv i Lidhjes së Qytetarëve Japonez Amerikanë. Isaka, megjithatë, iu përgjigj këtij reagimi në një intervistë të fundit me The New York Times dhe tha se personazhet “nuk janë njerëz të vërtetë dhe ndoshta nuk janë as japonezë”.
Ladybug (Brad Pitt), një vrasës i pafat që ëndërron të dalë në pension ka si qëllim marrjen e një valixheje plot me para e cila po mbahet nga dy vrasës të tjerë (Taylor-Johndon dhr Henry). Qëllimi i BadBunny nga ana tjetër është hakmarrja.
Në një setup të vendosur në Los Angeles, ekipi ndërtoi një vagon ekonomik dhe një të klasit të parë, plus disa pjesë shtesë, si vagoni i sallonit dhe të gjitha lidhësit e tualeteve, hyrjet dhe daljet.
Për të ndihmuar aktorët të ndihen si të ishin në një tren të vërtetë, krijuesit e filmit vendosën ekrane LED që shfaqnin video të fshatrave në Japoni. Në këtë mënyrë nuk ishte nevoja që këto pamje të shtoheshin në postproduksion.
“Bullet Train” prej ditësh po transmetohet në Cineplexx TEG dhe QTU. Sallat më modern të transmetimit video dhe audio ju presin çdo ditë për të shijuar çdo moment të filmit më të bukur të javës. Kliko këtu për më shumë info.