Kompania lider në treg e kriptomonedhave, Binance, ka vendosur të bashkëpunojë me yllin e TikTok, Khaby Lame, i cili aktualisht ka 142 milionë ndjekës në platformë, për të promovuar Web3 dhe Cristiano Ronaldo për të “ndryshuar specifikisht lojën” e NFT-ve.
Një sfidë e madhe që Binance duhet të kapërcejë është kuptimi dhe adoptimi i kriptomonedhave dhe Web3. Me Khaby Lame, i cili ka një stil shumë të mirë të shpjegimit të fenomeneve të ndryshme pa patur nevojë për të folur, duket se kompania do të ketë një sukses në misionin e saj.
Ylli i rrjeteve sociale, në bashkëpunim me Binance, do të krijojë një koleksion NFT, duke rritur kësht potencialin e tyre. “Unë kam qenë shumë kurioz rreth Web3 prej disa kohësh, dhe tashmë kam rastin ideal në bashkëpunim me Binance të shndërroj gjërat komplekse në shumë të thjeshta, siç bëj zakonisht.” tha Khaby Lame.
Ekipi i Binance ka firmosur gjithashtu dhe një marrëveshje disavjeçare me Cristiano Ronaldon për krijimin e një koleksioni të vetëm NFT e cila do të dalë në shitje për të gjithë përdoruesit e Binance. “Lidhja ime me fansat është shumë e rëndësishme, prandaj idea e krijimit të eksperiencave të veçanta dhe aksesi përmes kësaj platformë NFT është diçka që unë dua të bëj pjesë.” tha Ronaldo. “Unë e di se fansat do ta shijojnë këtë koleksion njësoj po aq sa unë.”
