Këshilli Rajonal i Bashkëpunimit (RCC) po fton mendjet krijuese të aplikojnë për edicionin e 3-tëtë Regional Butterfly Innovation Award për zgjidhje inovative dhe të bazuara në treg nga Ballkani Perëndimor.
Çmimi synon të mbështesë zhvillimin ekonomik të Ballkanit Perëndimor me mbështetjen e Bashkimit Evropian duke përqafuar transformimin dixhital dhe duke nxitur qëndrueshmërinë mjedisore. Qëllimi i Butterfly Innovation Award është të promovojë kulturën e inovacionit në Ballkanin Perëndimor përmes shfaqjes së arritjeve të suksesshme inovative dhe fuqizimit të grupeve të ndjeshme si të rinjtë dhe gratë.
RCC mirëpret aplikime nga ekipe/individë të inovacionit nga rajoni për kategoritë e paraqitura më poshtë.
Fondi total i Butterfly Innovation Award është 30,000 EUR, me zgjidhjen më të mirë në secilën nga gjashtë kategoritë që merr një çmim prej 5,000 EUR. Ashtu si vitet e mëparshme, ju mund të aplikoni deri në dy nga gjashtë kategoritë:
• Inovacioni në Industri (automobilistikë, përpunuese e metaleve, industri kreative, agroushqim, ekonomi e gjelbër dhe rrethore, turizëm, FinTech, EdTech, BioTech, HealthTech, etj.);
• Inovacioni i Gjelbër (aksioni për klimën, energjia e qëndrueshme, lëvizshmëria dhe bujqësia, lufta kundër ndotjes, mbrojtja e natyrës dhe biodiversitetit, etj.);
• Inovacioni STEM (shkencë, teknologji, inxhinieri dhe matematikë);
• Inovacioni Rinor (në mbështetje të studentëve të universitetit ose të shkollave të mesme);
• Inovacioni Universitar (në mbështetje të kulturës e sipërmarrjes në universitete);
• Inovacioni i Femrave (në mbështetje të femrave novatore dhe sipërmarrëse).
Aplikantët duhet të jenë individë ose ekipe nga Ballkani Perëndimor (mosha mesatare për ekip nuk duhet të kalojë 35 vjeç). Regjistrimet duhet të përshtaten brenda një prej kategorive zyrtare të çmimeve dhe zgjidhjet inovative duhet të demonstrojnë një ndikim të prekshëm brenda Ballkanit Perëndimor.
Procesi i aplikimit është i hapur deri më 10 tetor 2024. Fituesit e Çmimit të Inovacionit të Butterfly do të shpallen në një event në nëntor 2024.
