Bashkimi Evropian dëshiron të nxisë përdorimin në shkallë të gjerë të energjisë diellore, ndërkohë që rindërton industrinë prodhuese të paneleve diellore. Plani është që një pjesë e strategjisë që duhet ndjekur për të krijuar një pavarësi nga lëndët djegëse ruse, sidomos atij të gazit natyral deri në vitin 2030. BE aktualisht merr rreth 40% të gazit natyror nga Rusia, me një kosto $110 milionë në ditë.
Gjysma e energjisë së BE do të vijë nga burimet e rigjenerueshme nga viti 2030, më tepër se 2 fishi i sasisë aktuale, sipas planit të Komisionit Evropian të quajtur RepowerEU. Ky ndryshim do të kushtojë qindra miliarda euro, por shumica e këtyre parave do të rikthehet nëpërmjet kursimit në gazet e importuara.
Si pjesë e këtij plani, BE prezantoi iniciativën “tarraca diellore”, e cila do ta bëjë të detyrueshme instalimin e paneleve diellore në të gjithë ndërtesat e reja publike dhe komerciale. Qëllimi është që në BE të sigurohen mbi 320GW energji fotovoltaike diellore nga viti 2025, dhe pothuajse 400GW nga viti 2030.
Për të arritur këtë qëllim, “tarraca diellore” do të ndihmojë shumë. Sipas disa llogaritjesh, panelet diellore në ndërtesat e reja do të sigurojnë më tepër se 25% të të gjithë konsumit elektrik të BE, më tepër se përdorimi i gazit në ditët e sotme.
