Për vite me radhë, Motorola është përpjekur të ofrojë në treg produkte inovative dhe teknologji të reja për klientët. Kjo është arsyeja pse, këtë vit në Lenovo Tech World ’23, Motorola po i çon përpjekjet e saj për AI në një nivel tjetër, që variojnë nga tematika gjeneruese deri te një asistent personal i sofistikuar dhe po shfaq inovacione që ripërcaktojnë aftësitë e ekranit fleksibël.
Koncepti i një ekrani fleksibël që i përshtatet nevojave të klientëve
Kjo pajisje e re ende koncept përdor një ekran FHD+ pOLED që mund të përkulet dhe të marrë forma nga më të ndryshmet për t’iu përshtatur nevojave të klientit.
Pajisja Android mund të përdoret lehtësisht në një pozicion të sheshtë si një smartphone normal, por mundet gjithashtu të përkulet dhe t’i përshtatet të kyçit të dorës, madje mund të përdoret dhe në kënde të ndryshme gjysmë të palosur. Ekrani 6,9 inç ofron një përvojë të plotë Android, ashtu si çdo smartphone. Përdoruesit gjithashtu mund ta mbështjellin pajisjen rreth kyçit të dorës për një përvojë të ngjashme me ekranin e jashtëm në Motorola Razr+ për të qëndruar të lidhur ndërsa janë në lëvizje.
Konceptet e reja AI të Motorola
Motorola ka zhvilluar një model gjenerues të AI që funksionon lokalisht në pajisje për të lejuar përdoruesit të zgjerojnë stilin e tyre personal në telefonin e tyre. Me këtë koncept, përdoruesit mund të ngarkojnë ose kapin një fotografi të veshjes së tyre për të prodhuar imazhe të shumta unike të krijuara nga AI që pasqyrojnë stilin e tyre.
MotoAI
Lenovo po zhvillon një asistent personal si për PC ashtu edhe për smartphone. Ky model i AI nuk ndalon kurrë së mësuari. Ai ka një bazë njohurish që përshtaten me përdorimin me aftësitë e ndërveprimit natyror të zërit ose tekstit. Përdoruesit mund të angazhohen me asistentin e tyre personal MotoAI për t’iu përgjigjur pyetjeve, hartuar mesazhe, planifikuar detyra dhe shumë më tepër.
2.0 Mobile Doc Scan
Motorola ka prezantuar një model koncepti të AI që përmirëson aftësinë Doc Scanner të integruar aktualisht në sistemet e kamerave Motorola. Kjo risi synon të përmirësojë cilësinë përfundimtare të imazhit duke minimizuar rrudhat dhe hijet për të siguruar që dokumentet ose imazhet të shfaqen sa më të qarta.
AI Text Summarization
Përmbledhja e tekstit nëpërmjet AI, funksionon për bisedat, emails ose raportet në formë të gjatë dhe i shkurton në mesazhe kryesore për t’i kuptuar sa më shpejt ato.
Privacy Content Obfuscation
Për të ruajtur privatësinë e të dhënave sensitive si përshembull informacionet personale apo fotoja e profilit, shërbimi AI Privacy Content Obfuscation identifikon në mënyrë inteligjente këto informacione dhe i bën ato të palexueshme.
