Rezultatet e benchmark për proçesorin e ri të AMD, Ryzen 9 7950X3D, sapo janë bërë leak në databazat online, duke treguar se ky mund të jetë proçesori më i mirë i vitit 2023.
Në fakt, të dhënat tregojnë se Ryzen 9 7950X3D është në përgjithësi 16% më i shpejtë se Ryzen 9 7950X në lojra dhe 6% më i shpejtë se Core i9-13900K duke përdorur një Nvidia RTX 4090. Rezultatet u publikuan në tecnologia.com dhe duket se vijnë nga një kopje e testimit të AMD.
Këto rezultate tregojnë se ky proçesor është i ngjashëm në performancë me Ryzen 7950X dhe Core i9-13900K dhe jashtë lojrave. Modeli i ri përfshin një V-Cache 3D, që sipas AMD do të përmirësojë ndjeshëm performancën dhe në proçesorët e tjerë.
Me 3D V-Cache, ka një sasi totale cache prej 144MB, nga 80MB që gjenden në një CPU standard, duke e bërë këtë proçesor më të shpejtin për sa i përket lojrave.
Proçesori i ri pritet të prezantohet pas pak ditësh, në 28 shkurt, dhe më vonë do të ndiqet nga Ryzen 7 7800X3D në muajin prill.
