Under Water Entertainment Platform (UWEP) është një nëndetëse 35 metra e gjatë e fuqizuar nga bateritë e cila mund të zhytet në thellësi deri në 200 metra dhe të mundësojë organizmin e “eventit më prestigjoz dhe më të bukur në planet”.
Në hapësirën e brendshme rreth 500 m2, kjo nëndetëse mund të mbajë brenda saj 120 të ftuar së bashku me ekuipazhin në raste festash. Gjithashtu nëndetësja mund të organizohet dhe si një restorant, ku do të ketë hapësirë të mjaftueshmë për 64 karrige, një palestër nënujore, një kazino nënujore ose si një sallë dasmash.
UWEP u dizenjua dhe u ndërtua nga U-Boat Worx, kompani e specializuar në krijimin e nëndetësve private dhe komerciale. Në kabinë janë të përfshira 14 dritare të mëdha dhe përreth tyre gjenden dritat e jashtme për të ndriçuar oqeanin në thellësitë e mëdha.
Të gjithë personat që futen në këtë nëndetëse mund të qëndrojnë të zhytur për 24 orë, para se të rikthehen në sipërfaqje për të rikarikuar nëndetësen.
“UWEP do të shkundë mirë industrinë e mirëpritjes dhe do të jetë një shembull i organizimit të eventeve nënujore.” tha themeluesi dhe CEO i U-Boat Worx, Bert Houtman.
Gjithashtu në pjesën e sipërme do të mundësohet admirimi i bregdetit të mahnitshëm për sa kohë nëndetësja është e ankoruar në port.
