Biofire Technologies ka arritur të grumbullojë fonde me vlerë $17 milionë për të zhvilluar një armë smart, e cila përdor një sensor për identifikimin e shenjës së gishtit të pronarit të saj.
Kompania tregon se rëndësia e këtij zhvillimi është se armët e zjarrit ishin arsyeja numër 1 e vdekjeve të fëmijëve në SHBA në 2020, sipas një studimi të kryer bazuar në të dhënat e CDC. 35% e këtyre rasteve janë të regjistruara si vetëvrasje.
Lajmi i mirë është se armët Biofire mund të përdoren vetëm nga personat e autorizuar, duke përjashtuar nga përdorimi fëmijët.
“Unë mendoj se kultura e të pasurit të një arme në Amerikë do të vazhdojë dhe në të ardhmen e afërt.” tha në një deklaratë themeluesi dhe CEO i kompanisë Kai Kloepfer. “Një armë smart nuk është zgjidhja e të gjithë problemeve, mirëpo ne besojmë se kjo gjë do të mund të ketë një impakt të menjëhershëm dhe të konsiderueshëm.”
Një sondazh i bërë në Morning Consult zbuloi se 55% e pronarëve aktualë të armëve do të ishin të kënaqur të kishin një armë smart. Mirëpo lajmi i keq qëndron në faktin se shumë pak investitorë të Biofire janë të gatshëm të identifikohen, duke rritur kështu skepticizmin rreth këtij zhvillimi.
