AUO prezantoi gjatë SID Display Week 2022 disa panele të reja me refresh rate 480Hz. Aktualisht 2 janë modelet me të cilët po punohet, një me përmasa 24” për monitorët desktop dhe një model 16” për laptopët.
Të dyja ekranet kanë një përgjigje shumë të shpejtë, më të ulët se 1ms, dhe rezolucion FHD (1920×1080). Ndoshta ju nuk keni dëgjuar më parë për AUO, por me shumë mundësi keni parë një ndër ekranet e tyre. Pjesa më e madhe e monitorëve më të mirë gaming përdorin panelet nga AUO.
Rreth sekondës së 56 të videos së mësipërme ju do të shikoni panelin 24” i cili pasohet nga modeli oër laptop 16”. Në të njejtën video ju do të mund të shikoni dhe një panel ultra-wide AmLED, një 16” QHD AmLED dhe një ekran me kamera të integruar që lejon përfshirjen e bezels më të holla.
Disa njerëz do të debatojnë nëse syri i njeriut mund të dallojë diferencën midis paneleve me refresh rate 480Hz dhe 360Hz ose atyre me më të ngadaltë. Megjithatë, pavarësisht numrit të frame rates që syri i njeriut mund të shikojë në sekond, ekranet e AUO do të jenë ndër më të shpejtët në treg.