Disa pamje të publikuara nga leaker-i i mirënjohur Evan Blass na prezantojnë me një model testues të gjeneratës së 3-të të Motorola Razr. Në këtë pajisje, me emrin e koduar Maven, ne mund të vëmë re 2 kamerat e përmirësuara në pjesën e pasme: ajo kryesore me sensor 50MP f / 1.8 dhe ajo ultrawide / macro me rezolucion 13MP.
Nëse ne e shikojmë pajisjen në pozicionin e saj të mbyllur, mund të vëmë re se “dizajni klasik” i Motorola nuk është më i pranishëm. Tashmë palosja e Motorola Razr 3 do të jetë e barabartë ndërmjet dy gjysmave të ekranit, ndryshe nga gjeneratat e mëparshme.
Blass thekson gjithashtu se sensori i shenjës së gishtit është zhvendosur në butonin e ndezjes në anët e pajisjes. Razr 3 do të vijë me një ekran të brendshëm të palosshëm FHD+ me një hole punch për kameran selfie 32MP. Pajisja do të ofrohet në dy versione, me proçesor Snapdragon 8 Gen 1 ose variantin “Plus”, të shoqëruar nga 12GB RAM dhe 512GB internal storage.
Me këtë dizajn të ri dhe kamera të përmirësuara duket se Motorola do të përpiqet të rivalizojë Samsung Galaxy Z Flip, mirëpo të dy gjeneratat e mëparshme të Razr kanë patur një çmim më të shtrenjtë se Z Flip.
