Impakti negativ i rrjeteve sociale në shëndetin mendor të fëmijëve është njohur prej kohësh, mirëpo një studim i ri sugjeron se moshat ku këta persona janë më të pambrojtur ndryshon midis meshkujve dhe femrave.
Studiuesit pyetën disa adoleshentë rreth mënyrës se si përdornin rrjetet sociale si Instagram dhe nivelin e tyre të kënaqësisë së jetës dhe analizuan të dhënat e 84.000 individëve. Ata arritën të gjenin një lidhje midis të dy faktorëve, dhe zbuluan se vajzat përjetonin një ndryshim negativ të lidhur me rrjetet sociale dhe kënaqësinë e jetës kur ishin në moshën 11-13 vjeçare, ndërkohë që meshkujt e përjetonin në moshën 14-15 vjeçare.
Ndjeshmëria ndaj përdorimit të rrjeteve sociale mund të lidhet me ndryshimet në zhvillim, si përshembull ndryshimi i strukturës së trurit ose puberteti, i cili arri më herët tek femrat se tek meshkujt.
Për fat të keq ekipi i studiuesve zbuluan se kënaqësia e ulur e jetës ndikon në rritjen e përdorimit të rrjeteve sociale, duke e futur personin në një cikël vicioz. Megjithatë, përveç diferencave të bëra në gjini, studiuesit nuk arritën dot të parashikonin se cilët individë ishin më tepër të rrezikuar.
“Për të arritur parashikimin se cilët individë inflencohen më tepër nga rrjetet sociale, është e nevojshme që të kryhen më tepër studime dhe kompanitë si Meta t’i shpërndajnë të dhënat që grumbullojnë me studiuesit.” tha Andrew Przybylski, drejtues i këtij studimi.
