Raketa kineze e dalë jashtë kontrolli, Long March 5B, po mbahet vazhdimisht nën vëzhgim për të “parashikuar” vendin se ku ajo do të rrëzohet. Vendi ekzakt i përplasjes nuk do të jetë i njohur deri në momentin kur mbetjet e saj të jenë disa orë larg përplasjes sipas ekspertëve në US Military, por informacionet e reja do të publikohen në Space Track.
Sipas llogaritjeve të bëra deri më tani, Long March 5B pritet të rrëzohet në orën 5 të mëngjesit në zonën tonë kohore, por mund të shkojë në +/- 6 orë për shkak të shpejtësisë që raketa do të ketë.
Deklaratat nga qeveria kineze dhe zëdhënësi i ministrisë së jashtme Wang Wenbin rreth kësaj ngjarjeje kanë qenë mjaft të qeta, duke thënë se probabiliteti që këto mbetje të shkaktojnë probleme në aktivitetet ajrore ose personat e përfshirë në këtë aktivitet është ekstremisht i ulët.
Për të ndjekur live këtë ngjarje, mjafton të ndiqni videon e mëposhtme.
