Influencer-at që përdorin rrjetet sociale për të shpërndarë këshilla financiare në Australi do të rrezikojnë burgosjen nëse shkelin rregullat, pasi ato duhet të kenë një liçencë për të dhënë këshilla të tilla.
Në 2021 një sondazh nga Australian Securities and Investment Commission (ASIC) tregon se 33% e personave në moshat 18-21 vjeç ndjekin këshillat financiare të dhëna nga influencuesit në rrjetet sociale. Ky sondazh tregon gjithashtu se 64% e personave në moshë të re kanë ndërruar sjelljen e tyre financiare për shkak të influencer-ave.
Komisionerja e ASIC Cathie Armour tha se është tepër e rëndësishme që influencer-at që dikutojnë rreth produkteve dhe shërbimeve financiare të ndjekin ligjet, përndryshe ato rrezikojnë penalitete deri në dënim me burg.
Në lajmërimin e bërë zyrtar nga ASIC jepen gjithashtu dhe disa shembuj në lidhje me deklaratat që konsiderohen si këshillë financiare produkti.
“Unë do të shpërndaj me ju sot 5 stoqe afatgjatë që ju duhet të blini dhe të mos i shisni.” Kjo është një deklaratë që nga ASIC konsiderohet si këshillë financiare. Mirëpo nëse ju shkruani “Ju mund të kurseni para çdo javë duke përgatitur ushqimin e gatuar në shtëpi për ta konsumuar në pushimin e drekës në punë.” nuk konsiderohet si një këshillë financiare.
Në këtë lajmërim tregohet gjithashtu se bërja e komenteve të pavërteta mbi një produkt mund të konsiderohet shkelje e ligjit.
