Pas pothuajse 4 dekadash, një sekret antik i ruajtur thellë në Windows 1.0 u zbulua nga Lucas Brooks. Ky është një “easter egg” i thjeshtë, që ishte i pamundur për t’u zbuluar në kohën e publikmit të këtij versioni.
Brooks është një ndër fansat më të mëdhenj të këtij sistemi operativ, dhe kohët e fundit ai lajmëroi përmes një tweet-i se kishte zbuluar një listë sekrete në Windows 1.0 RTM. Në këtë listë përfshiheshin të gjithë emrat e personave që ndihmuan në krijimin e Windows 1.0, të cilat gjendeshin brenda një bitmap file.
Which version of @Windows is the first to include Easter eggs? Windows 3.0? Nope. What if I tell you there is an Easter egg in Windows 1.0 RTM? This is what I have recently discovered: pic.twitter.com/dbfcv4r7jj
— Lucas Brooks (@mswin_bat) March 18, 2022
Kjo gjë është zbuluar vetëm në ditët e sotme, pasi sipas Brooks në kohën e prezantimit të Windows 1.0 nuk ka qenë e mundur të ekstraktoje një bitmap file nga NE. Ndërkohë që Brooks përdori metodën “reverse engineering” për të zbuluar sekretin, besohet se ekziston një kombinim tastesh që bën të mundur hapjen e listës sekrete.
Ndoshta ju mund të njihni disa nga emrat e personave në listë, si përshembull bashkë themeluesi i Valve, Gabe Newell, i cili punoi në Microsoft deri në 1996 para se të largohej së bashku me Mike Harrington për të krijur Valve dhe lojën e parë Half-Life.
