Me prezantimin e linjës së re Galaxy S22, Samsung ruajti të njejtin format për pajisjet S22 dhe S22 Plus, ndërkohë që S22 Ultra u prezantua me ndryshime rrënjësore, të cilat e sjellin këtë smartphone më pranë se kurrë me linjën Note, duke e bërë kështu një zëvëndësues të denjë të kësaj linje.
Dizajni
S22 Ultra ka një pamje mjaft elegante, me kënde të holla, kënde katrore, ekran të harkuar dhe thjeshtësia në pjesën e pasme të smartphone-it duket mjaft bukur në këtë pajisje. Këtë vit modeli Ultra vjen pa praninë e një ishulli kamerash; kamerat janë të veçuara në pjesën e pasme dhe të rrethuara nga një metal i lëmuar që të jep ndjesinë premium të pajisjes.
Ekrani 6.8 inç i harkuar është një ndër pikat më të forta të këtij smartphone-i. Me rezolucion WQHD+ dhe refresh rate 120Hz, paneli ofron eksperiencë mjaft të ndriçuar, të gjallë dhe të detajuar.
S22 Ultra vjen në ngjyrat: Phantom Black, Phantom White, Green dhe Burgundy.
Kamerat
S22 Ultra përmban në pjesën e pasme kameran kryesore 108MP, ultrawide 120 gradë 12MP dhe dy lente telephoto që ofrojnë zmadhim optik 3x dhe 10x, ndëkohë që në pjesën e parme kemi kameran selfie 40MP.
Ajo që mund të vihet re mjaft mirë në gjithë linjën S22 është përmirësimi i shkrepjes së fotografive në ndriçim të ulët, të cilat janë më të detajuara, të ndriçuara dhe me kontrast të balancuar. Të tjera përmirësime të bëra në S22 Ultra janë në shërbimet OIS (optical image stabilization) dhe ISP (Image signal processor).
Në zmadhimin dixhital 100x space zoom, S22 Ultra përdor dhe Super Steady System, i cili rrit cilësinë e fotografive. Ky smartphone arrin të regjistrojë video në kualitetin 8K në 24fps të asistuar nga OIS.
Performanca
Në varësi të shtetit ku jetoni, S22 Ultra fuqizohet nga proçesorët Exynos 2200 4nm nga Samsung. Sigurisht ju mund të zgjidhni mes opsioneve të ndryshme me 8 ose 12GB RAM dhe 128GB/256GB/512GB/1TB internal storage.
Sigurisht, me gjithë këto specifika high-end, S22 Ultra ofron një performancë mjaft të shpejtë. Aplikacionet hapen menjëherë, madje dhe në rastet e aplikacioneve që kërkojnë më tepër fuqi proçesuese si Call of Duty Mobile. Falë ndihmës së refresh rate 120Hz prekjet në ekran transmetohen menjëherë dhe animimet janë tepër fluide.
S Pen
Këtë vit modeli Ultra ka një S Pen të integruar, duke u shndërruar në një Note të vërtetë. Madje dhe përgjigja direkte prej vetëm 2.8ms nga 9ms në gjeneratën e kaluar ndihmon në ofrimin e një ndjesie natyrale të lapsit mbi fletë kur ju mbani shënime.
Bateria dhe karikimi
S22 Ultra ka të njejtin kapacitet baterie si paraardhësi prej 5,000mAh. Bateria zgjat gjatë gjithë ditës duke përdorur rezolucionin më të lartë të ekranit dhe refresh rate 120Hz, mirëpo ju mund të kaloni dhe 2 ditë përdorim me një karikim të vetëm nëse përdorni rezolucion FHD+ dhe të ulni refresh rate në 60Hz.
Për të karikuar baterinë e S22 Ultra ju tashmë mund të përdorni karikuesen 45W për një karikim akoma dhe më të shpejtë.
Me pak fjalë mund të themi se S22 Ultra plotëson të gjithë kërkesat e përdoruesve të thjeshtë dhe atyre të specializuar, duke ofruar eksperiencën më të mirë në treg në të gjitha drejtimet.
