Prodhuesi Italian i makinave luksoze Maserati ka prezantuar Grecale, një SUV të ri kompakt elektrik i cili do të jetë i pari në linjën e re tërësisht elektrike të kompanisë. Maserati planifikon që të kthehet në një kompani tërësisht elektrike duke nisur nga viti 2030.
Javën e kaluar Maserati prezantoi planet për të lançuar një gamë makinash elektrike që mbajnë emrin Folgore, që në shqip do të thotë “rrufe”. Grecale do të jetë makina e parë nga kjo seri që do të ndërtohet mbi një arkitekturë 400 voltëshe, në mënyrë të ngjashme me shumicën e makinave elektrike në ditët e sotme.
Kompania ka vendosur të mos publikojë të dhënat më interesante rreth makinës, si autonomia, madhësia e baterisë dhe koha e karikimit. Modelet Folgore do të ndërtohen mbi një platformë të re, një kombinim i Giorgio Platform dhe asaj të përdorur nga Alfa Romeo Stelvio, dhe nuk do të përdorin një platformë të gatshme nga kompania mëmë Stellantis.
Në pjesën e pasme janë përfshirë disa drita që duket të jenë të inspiruara nga Giugiaro 3200 GT që përshtatetn me linjat trapezoidale. Sistemi infotainment do të fuqizohet nga Intelligent Multimedia System i Maserati. Për të dëgjuar muzikë me kualitetin më të lartë, në makinë përfshihen 14 speakers 3 dimensional nga Sonus.
Bashkë me modelin vetëm elektrik, Masserati do të prodhojë dhe dy versione hibride të Grecale, atë GT dhe Moderna, të cilët do të kushtojnë nga $63,500 – $77,400.
