Një ekip shkencëtarësh përdorën inteligjencën artificiale për të kërkuar për komponime që mund të përdoreshin për të kuruar një sëmundje, dhe një pjesë e tij përfshin filtrimin e komponimeve që mund ta vrasin pacientin.
Si pjesë e një konference mbi implikimet negative të teknologjisë së re, Collaborations Famaceuticals ndërroi burimin e kërikimit të algoritmit AI, dhe bëri që ai të shfaqte komponimet më vdekjeprurëse në planet. Ky ekip dëshironte të tregonte se sa shpejt një algoritëm AI mund të abuzohej, nëse përdorej për qëllime negative.
Ky AI ishte në gjendje të krijonte 40,000 kombinime vdekjeprurëse kimike brenda 6 orëve kërkim, shumica e të cilave i ngjasonin agjentëve më të rrezikshëm që përdoren ditët e sotme, si VX (ekstremisht toksik dhe mund të shkaktojë konvulsione dhe në dozat më të vogla).
Fabio Urbina, drejtuesi i këtij studimi, tha se ato kanë shumë databaza me molekula që janë testuar në lidhje me toksicitetin e tyre. “Fokusimi ynë është mbi VX, një frenues i asaj që njihet si acetilkolinesterazë. Sa herë që muskujt tanë kryejnë një veprim, acetilkolinesteraza dërgon një sinjal drejt neuroneve që lejojnë lëvizjen e muskujve. Prandaj VX është tepër vdekjeprurës, pasi mund të ndalojë aktivitetin e diafragmës dhe ju të mos merrni më frymë.” tha Urbina.
Ai ngriti shqetësimin se “sa e thjeshtë ishte ta bëje të gjithë këtë veprim”, pasi shumë gjëra të përdorura në këtë projekt ofrohen falas, si përshembull një databazë toksiciteti të molekulave.
