Dhe pse ju nuk jeni ende në gjendje të blini Tesla Cybertruck, së shpejti do të mund të sigurioni një karikuese wireless të inspiruar nga dizajni ikonik i kësaj makine elektrike me kënde të mprehta. Gjëja e mirë e këtij karikuesi wireless është se pajisjet do të mund të karikohen në çfarëdolloj pozicioni t’i vendosni.
Sigurisht pajisjet që vendosen në këtë karikuese duhet të suportojnë teknologjinë e karikimit pa kabllo. Për fat të keq në këtë karikuese nuk do të mund të karikohen orat smart.
Përdoruesit do të kenë mundësinë të karikojnë deri në 3 pajisje njëkohësisht në karikuesen e Tesla në 15W, një shpejtësi më e ngadaltë se ajo maksimale e karikimit prej 45W të S22 Plus dhe Ultra (ose akoma më të lartë në smartphone të tjerë Android). Problemi i vetëm është se hapësira në këtë karikuese duket të jetë disi e vogël për vendosjen e 3 smartphone-ve njëkohësisht.
Vlera e kësaj pajisje aktualisht qëndron në teknologjinë që përdor 30 bobina Qi të quajtura FreePower. Ky është emri i ri për Aira, teknologjinë që është përdorur më parë në tavolinat e karikimit të prezantuara nga Nomad, të cilat kishin si qëllim të zëvëndësonin pajisjet AirPower të Apple të cilat nuk patën sukses.
Nëse ju jeni të interesuar për të blerë këtë karikuese wireless, të quajtur Wireless Charging Platform, mjafton ta porosisni atë për $300, dhe dorëzimet e para do të bëhen në shkurt të 2023.
