Google ka prezantuar zyrtarisht alarmet ndaj gjurmuesve të panjohur, duke e bërë më të vështirë për njerëzit që të vendosin fshehurazi një Apple AirTag për të ditur vendndodhjen e një personi tjetër.
Shërbimi i ri funksionon si një shtresë mbrojtëse kundër përndjekjes përmes AirTag duke i lejuar përdoruesit të skanojnë gjurmuesit në afërsi me pajisjen e tyre Android, manualisht ose automatikisht. Për momentin, kjo veçori funksionon vetëm për Apple AirTags, por Google planifikon të zgjerojë shërbimin e saj dhe për produktet e kompanive të tjera.
Për herë të parë shërbimi u publikua në maj dhe, përpara kësaj aleance të papritur midis Apple dhe Google, përdoruesit e Android nuk merrnin alarme në kohë reale për njerëzit që dinin në mënyrë sekrete vendndodhjen e tyre, ndryshe nga përdoruesit e pajisjeve Apple.
Kjo veçori mund të krijojë një standard të ri në industri për të siguruar që njerëzit të dinë kur një gjurmues po i ndjek.
Ja se si të skanoni manualisht për AirTag duke përdorur shërbimin Unknown Tracker Alert të Google në pajisjen tuaj Android:
- Hapni Settings
- Shtypni Safety & Emergency dhe më pas Unknown tracker alerts
- Më pas shtypni Scan now
Nëse dëshironi të njoftoheni automatikisht rreth AirTags pranë jush veproni si më poshtë:
- Klikoni mbi njoftimin rreth AirTag të pranishëm pranë jush
- Shtypni Play Sound dhe ndiqni zhurmën e bërë nga AirTag për të zbuluar vendndodhjen e tij
- Pasi ta gjeni atë, klikoni në Next steps dhe ndiqni instruksionet në ekran
