Aftësia e të dalluarit se kur një person po gënjen ka qenë dhe mbetet shumë e rëndësishme për organet hetuese, dhe falë inteligjencës artificiale, ne mund të jemi gjithnjë e më pranë.
Një ekip nga Universiteti i Tel Aviv vendosën sensorë në fytyrën e vullnetarëve dhe regjistruan lëvizjet e lehta të fytyrës së tyre gjatë momentit që po intervistoheshin. Ky sistem ishte në gjendje të tregonte se kur një person po gënjente me 73% saktësi, ndërkohë që poligrafi ka një saktësi 80%, mirëpo zhvilluesit thonë se sistemi do të përmirësohet me kalimin e kohës.
Ata parashikojnë se në të ardhmen AI e pajisur me kamera do të përdoret në aeroport, në një intervistë pune apo në një intervistimin e një të dyshuari të policisë.
Një studim i mëparshëm ka vërtetuar se njerëzit mund të kuptojnë se kur dikush po gënjen 55% të kohës, por kjo gjë nuk është mjaftueshëm për ta vlerësuar testin si provë në sallën e gjyqit, prandaj zhvilluesit në mbarë botën po kërkojnë për zgjidhje të reja.
Projekti i ekipit në Tel Aviv përdor machine learning dhe AI për të analizuar në mënyrë të shpejtë ndyshimet e vogla në lëvizjen e muskujve gjatë tregimit të një gënjeshtre. Këtu përfshihet dhe lëvizja më e vogël e muskujve të faqjes apo të vetullave.
