Shkencëtarët në Large Hadron Collider lajmëruan ditën e sotme se kanë zbuluar 3 grimca të reja “ekzotike”. Këta shkencëtarë kanë mbikëqyrur 3 grimca të reja të panjohura më parë: “një lloj i ri i “pentakuark” dhe një çift të ri “tetrakuark”, e cila përfshin një lloj të ri të tetrakuarkut” tregoi European Center for Particle Physics (CERN) në një deklaratë për shtyp.
Misioni i projektit të LHCb ishte eksplorimi i asaj që ka ndodhur menjëherë pas Big Bang-ut dhe se si u mundësua krijimi i universit 13.8 miliardë vite më parë. Eksperimentet u kryen në LHC, brenda një unaze me perimetër prej 27 kilometrash që gjendet në një tunel nëntokësor midis Zvicrës dhe Francës.
Zbulimi i sotëm ofron një informacion tepër ndihmues në kuptimin akoma më mirë të kuarkeve, grimcës më të vogël të njohur, të cilat grupohen për të krijuar hadrone si protonet dhe neutronet.
Kuarket mund të kombinohen në 3, 4 ose 5 grimca, prandaj përdoret dhe emërtimi tetrakuark apo pentakuark. Teoricienët e kishin parashikuar prezencën e këtyre hadroneve ekzotike rreth gjysmë shekulli më parë, por vetëm gjatë 2 dekadave të fundit është bërë i mundur observimi fizik i tyre.
Që nga zbulimi i Higgs Boson një dekadë më parë në CERN, LHC (një makineri e cila mundëson përplasjen e protoneve me energji të lartë) ka ndihmuar në zbulimin e 60 grimcave të tilla.