Microsoft po përgatitet të prezantojë një veçori të re për Windows 11 të quajtur “quick machine recovery”, që synon të ndihmojë përdoruesit të rikuperojnë automatikisht kompjuterin kur ai has një defekt.
Kjo veçori tashmë është në dispozicion për përdoruesve përmes Windows 11 Build 26100.4762 në kanalin Release Preview dhe pritet të prezantohet së shpejti për të gjithë.
Kur një kompjuter has një BSOD (ekrani blu i vdekjes), ai hyn në Windows Recovery Environment (Windows RE). Në vend që të presë për ndërhyrjen e përdoruesit, kompjuteri përpiqet të lidhet me Microsoft për të dërguar automatikisht të dhënat e defektit. Microsoft analizon problemin dhe dërgon një përditësim ose zgjidhje përmes Windows Update. Kjo ndodh në dy mënyra:
- Cloud remediation: lidhje me serverët e Microsoft
- Auto remediation: kompjuteri kontrollon periodikisht për zgjidhje (por është i çaktivizuar parazgjedhje për përdoruesit në shtëpi)
Nëse nuk ka lidhje interneti ose kjo veçori është çaktivizuar, përdoret Startup Repair tradicional.
Veçori të tjera të reja që do të vijnë në këtë version të ri të Windows janë:
- Kërkim semantik në Settings, që kupton kërkesa në gjuhë natyrale
- “Click to Do” me aplikacione si Reading Coach dhe Immersive Reader
- Funksioni “Draft ëith Copilot” për të krijuar dokumente nga fraza të shkurtra
- Shndërrimi i email-eve në takime Teams me klikim të djathtë
- Eksportimi i Recall snapshots në aplikacione të jashtme (vetëm në Europë), me kod unik
Ndërsa ka shqetësime për privatësinë te veçoria Recall, quick machine recovery shihet si një ndihmë e dobishme dhe diskrete që aktivizohet pikërisht kur ke më shumë nevojë.
