Federal Communications Commission në SHBA ka shtuar kompanië e sigurisë kibernetike Kaspersky Lab në listën e subjekteve që “paraqesin një rrezik të papranueshëm të sigurisë kombëtare të SHBA”. Kjo do të jetë hera e parë që një kompani ruse është e shtuar në këtë listë, ku gjenden dhe kompani të tjera kineze si Huawei dhe ZTE.
Bizneset në SHBA e kanë të ndaluar përdorimin e subvencioneve të dhëna nga Universal Service Fund për të blerë produkte nga të gjitha kompanitë që përfshihen në këtë listë. Bashkë me Kaspersky, FCC shtoi në listë China Telecom dhe China Mobile.
“Unë jam tepër e kënaqur që agjensitë e sigurisë kombëtare ranë dakord me vlerësimin tim se China Mobile dhe China Telecom përmbushnin kriteret për t’u përfshirë në këtë listë.” tha kryetarja e FCC Jessica Rosenworcel përmes një deklarate për shtyp.
Më vonë Kaspersky iu përgjigj deklaratës nga FCC ku tregonte se vendimi i agjensisë është marrë mbi baza politike pas nisjes së pushtimit të Ukrainës nga Rusia, dhe se kompania është e gatshme të bashkëpunojë me agjensitë e qeverisë amerikane për të diskutuar mbi shqetësimet e FCC.
Në 2017, inteligjenca ruse mendohet se përdori softëare-in antivirus të Kaspersky për të vjedhur dokumente të klasifikuara nga National Security Agency.
